വ്യർത്ഥമീ ജീവിതം

പൊട്ടിച്ചിതറിയ വളപ്പൊട്ടുകൾ

പോലെ …..
പൊഴിഞ്ഞു വീണ പൂവിന്നിതളുകൾ

പോലെ …..
ചിതറി തെറിച്ചെന്റെ മോഹങ്ങൾ

തീർക്കും …….
തടറവറ തൻ പടിപ്പുര വാതിലിലിരിപ്പു

ഞാൻ .
കരിന്തിരി കത്തുന്നോരീദിന

ചിന്തകൾ …….
നിലവിളക്കായ് തെളിയുന്നു

സ്മരണയിൽ .
ആരതി ഉഴിയുമൊരാ കർപ്പൂര

ദീപവും ……
ആവാഹനം ചെയ്യുമഗ്നിയാ
ണെന്നറിയുന്നു.
കുനിഞ്ഞ ശിരസ്സതേറ്റു വാങ്ങും

താലി …….
തല ഉയർത്തി നിൽക്കാനൊരു

ഭാരമാകുമെന്ന് .
കൈപിടിച്ചന്നച്ചൻ കന്യാദാനമായ്

നൽകിയതൊരു
ബലിമൃഗമായ് ഇവിടം

ജീവിക്കുവാനെന്ന് ….
പെണ്ണുടലിനൊരടിമയെ വാങ്ങുവാൻ

പൊന്നും പണവുമേറെ

നൽകിയിട്ടും ……
അടിമത്വമേറ്റു വാങ്ങുന്നൊരു ടമയായ്

കഴിയേണ്ട കാലം വരുമെന്ന് .
അടഞ്ഞ മണിയറ

വാതിലുകൾക്കകത്തെങ്ങോ
പുകഞ്ഞ വിറകൊണ്ട മനവും

തനുവും …….
അറിഞ്ഞതില്ലൊരു ജൻമം എരിഞ്ഞു

തീരുമൊരു വിറകിൻ കമ്പു പോൽ .
പേറ്റു നോവേറുന്നതല്ലേറ്റം

മനസ്സിന്റെ …..
വേദന കാണാത്ത മക്കളെ
ഓർത്തതാം .
സ്ത്രീയായൊരു ജൻമം ഏകീയ തീ

മണ്ണിൽ
തീക്കനലായൊടുവിൽ എരിഞ്ഞു

തീരാനോ ??